Home

 

Shahadar Imam Muhammad Baqir (a.s)

Shi Imam Muhammad Baƙir (a.s) ya fita daban a cikin A’imma (a.s), ta yanda ya zamo shi ta ko ina a nasaba shi:

Muhammady ne kuma Alawi ne sannan Fatimi. Don kuwa Imam Ali ɗan Husain ɗan Ali ɗan Abu Ɗalib (a.s) ne ya haife shi.

Mahaifiyarsa kuwa ita ce Fatima ‘yar Imam Hasan Almujtaba ɗan Ali ɗan Abu Ɗalib (a.s)…

Haka nan shi da ɗansa Imam Ja’afar Assadiƙ (a.s) sun fi duk sauran A’imma samun damar karantar da al’umma koyarwar gidansu, shi ya sa a duniyar Shi’a da Sunna za ku ga Hadisansu sun fi yawa a bisa sauran A’imma (a.s).

More

AYARIN SHAHIDAI A KUFA

MAI RUWAYA: Muslim Jassas yana cewa:

MUSLIM JASSAS: Ni na gani da idona a lokacin da aka shigo da ayarin fursunonin yaki cikin Kufa, mutane suna ba yaran da ke fama da tsananin yunwa gurasa da dabino, sai Ummu Kulsum ta daka masu tsawa tana mai cewa:

UMMU KULSUM: Ya ku mutane! Bai wa zuriyarmu sadaka haramun ne.

MAI RUWAYA: Sai aka amshe gurasa da dabinon da ke hannun yaran aka mayar masu da kayansu, su kuma mutanen suna ta rusa kuka.

Ibn A’asam Al-Kufi ya rubuta cewa: A lokacin da Umar ibn Sa’ad yake tahowa da ayarin Ahalil Baiti a matsayin fursunonin yaki zuwa Kufa, sai Ibn Ziyad ya ba da umarnin a tsittsire kawukan shahidai a kan masuna a saka su a gaban kamammun yakin a ci gaba da tafiya a haka, kai na farko wanda aka fara tsirewa sama shi ne kan Imam Husain (as)!

A lokacin da ayarin ya isa Kufa, sai mutane suka dinga kururuwa suna koke-koke, nan take sayyida Zainab (as) ta daka masu tsawa ku rufe mana baki! Bayan nan ta yi godiya ga Allah ta yi salati ga Annabi, sannan ta fara magana tana mai cewa:

SAYYIDA ZAINAB: Ya ku mutanen Kufa! Ya ku mayaudara, marasa cika alkawari, ya ku makirai! Har abada kada Allah ya sa hawayenku su bushe, kada Allah ya sa kururuwarku ta lafa!

 

ZURIYAR SHAHIDAI A FADAR IBN ZIYAD

MAI RUWAYA: Fursunonin Karbala an dunguma da su fadar Ibn Ziyad da ke Kufa. Ibn Ziyad da kalmomi masu daci da bacin rai ya fara, nan da nan tattaunawa ta shiga tsakanin Ibn Ziyad da sayyida Zainab (as).

IBN ZIYAD: Godiya ga Allah wanda ya wulakanta ku ya kashe ku, kuma ya nuna cewa duk abin da kuke fada karya ce tsagwaronta!!

SAYYIDA ZAINAB: Godiya ta tabbata ga Allah wanda ya girmama mu ta hanyar Manzonsa ya kuma tsarkake mu daga dukkan kazanta. In ba fasiki ba babu mai wulakanta, kuma in ba mai mummunan aiki ba babu mai shirga karya, kuma mu ba masu mummunan aiki ba ne sai dai wasunsunmu.

IBN ZIYAD: Duba ki ga abin da Allah ya wulakanta ahalinki da shi?

SAYYIDA ZAINAB: Ni ban ga komai ba sai kyakkyawa – wadannan wasu mutane ne da Allah ya kaddara cewa kashe su za a yi, su kuma sun sallamawa hukuncin Allah suka tafi makwancinsu na har abada.

IBN ZIYAD: Allah ya ye mani ciwon da ke cikin zuciyata da kashe dan uwanki Husaini marar biyayya, iyalansa da rundunarsa!

SAYYIDA ZAINAB: Na rantse da Allah haka ne kun kashe mani shugaba, kuma kun yi nufin ganin bayan tsatsona kun nemi ku tunbuke mani asali, idan wannan danyen aikin sababi ne na warakarka to lallai haka ne ka samu lafiya!

***

 

 

KUFA – CI GABAN TATTAUNAWAR IBN ZIYAD DA SAYYIDA ZAINAB

MAI RUWAYA: Sai Ibn Ziyad ya juyo ya kalli Imam Sajjad sannan ya tambaya:

IBN ZIYAD: Wane ne wannan?

WASU DAGA MABIYAN IBN ZIYAD: Wannan Aliyu ibn Husain ne.

IBN ZIYAD: Shin daman Allah bai kashe Aliyu ibn Husain ba?

IMAM SAJJAD: Ina da dan uwa shi ma sunansa Aliyu ne, Aliyu Akbar, mutane sun kashe shi!

MAI RUWAYA: Sai Ibn Ziyad ya lura cikin izza da gwarzontaka yake ba shi amsa, sai ya fusata sannan ya ba da umarnin cewa a sare masa kai! A daidai wannan lokacin ne goggonsa sayyida Zainab ta yi wuf ta rungumo shi jikinta, sannan ta ce:

SAYYIDA ZAINAB: Ya kai Ibn Ziyad! Jinananmu da kuka zubar sun isa haka! Ina rantsuwa da Allah wannan kam ba zan bayar da shi ba, amma idan ka matsa to mu duka biyun ka kashe mu!

IMAM SAJJAD: Shin da mutuwa kake mana barazana? Shin ba ka san cewa dama can mu an saba kashe mu ba, kuma shahada abin alfaharinmu ce ba?!

MAI RUWAYA: Nan take sai Ibn Ziyad ya janye umarninsa, sannan ya ce:

IBN ZIYAD: Ai ina ma tsammanin wannan rashin lafiyar ma ita da kanta za ta karasa kashe shi!

 

BACIN RAN ZAID IBN ARKAM

MAI RUWAYA: An nakalto cewa: Ibn Ziyad ya ajiye kan Imam Husain (as) a gabansa sannan ya dinga sanya wata sanda da yake rike da ita a hannunsa yana tattaba idanu, hanci da labban Imam yana fadin:

IBN ZIYAD: Kai wadannan hakora akwai kyau!

MAI RUWAYA: Ana cikin wannan hali ne Zaid ibn Arkam, daya daga cikin sahabban Manzo mai girma, ya fashe da kuka sannan ya daka wa Ibn Ziyad tsawa yana mai fadin:

ZAID IBN ARKAM: Kai Ibn Ziyad cire wannan sandar taka daga nan, domin ina rantsuwa da Allah ni din nan na sha gani da idanuna Manzon Allah (s.a.w.a) yana sanya labbansa masu albarka a bakin Imam Husain (as) kuma yana sumbatarsa.

IBN ZIYAD: Amma lallai ba domin tsufa ya kama ka hankalinka ya fara gushewa ba da na sare maka wuyanka!

MAI RUWAYA: Zaid ibn Arkam cikin fushi ya tashi ya fice daga fadar.

KULLE AYARIN KUMAJIN KARBALA CIKIN KURKUKU

MAI RUWAYA: Ibn Ziyad sai ya ba da umarnin cewa a kulle ayarin shahidan Karbala cikin kurkukur Kufa. Sannan ya aika da wasika zuwa ga Yazidu a can Sham yana mai sanar da shi halin da ake ciki.

Bayan nan sai ga sako daga Sham zuwa ga Ibn Ziyad ana ba shi umarnin ya aika fursunonin yaki tare da kan Imam Husain (as) da kawukan sauran shahidai zuwa Sham.

***

 

 

DAGA KUFA ZUWA SHAM

MAI RUWAYA: An tasa keyar ayarin shahidan Karbala daga Kufa zuwa Sham a ranar 19 ga Muharram shekara ta 61 bayan hijira suka isa a ranar 1 ga Safar shekara ta 61, saboda haka a bisa wannan lissafin ayarin Karbala sun isa birnin Sham a cikin kwana 12 kenan.

Kamar yadda ya zo a tarihi shi ne cewa shi kan Imam Husain (as) da kawukan sauran shahidai tun kafin a kama hanya da ayari, aka aika da su zuwa Sham, amma a kan hanya sai suka hadu da juna sannan aka shigar da su tare zuwa cikin gari!

Yazidu ya yaudari jama’a ta hanyar yada karairayi, ta yadda ya nuna wa jama’a cewa wadannan wadansu fursunonin yaki ne wadanda suka yi wa kalifan musulmi tawaye to sai a wajen yaki aka kashe mazajensu su kuma wadannan kawukan da kuke gani to kawukan wadanda aka karkashe masu din ne.

HUDUBAR SAYYIDA ZAINAB

MAI RUWAYA: Ayarin fursunonin Karbala sun isa Sham…. Sayyida Zainab (as) a lokacin da ta lura jama’ar da ke cikin wannan fadar za su iya sauraren jawabanta, sai ta raya a ranta cewa to lallai bai kamata in yi shiru game da wannan babban zaluncin ba, don haka sai kawai ta mike tsaye ta fara huduba. A cikin hudubarta ta bayyana aibin zalunci da rashin adalci, tana mai fadin cewa:

SAYYIDA ZAINAB: Har abada ba za ka taba kubutar da kanka daga wannan bata sunan da kai wa kanka ta hanyar zaluncinka (daga zukatan mutane) ba…. Ka sani kwanakinka a mulkin ‘yan kadan ne, jama’arka za su tarwatse daga gare ka, har zuwa ranar da mai kira zai yi yekuwa cewa: to la’anar Allah ta tabbata a kan azzalumai!

MAI RUWAYA: Haka nan ma ta yi bayani game da matsayi, daukaka da gaskiyar da ke tare da Ahlul Bait (as) ta kuma kara yin godiya ga Allah cewa ya kara daukaka su, su Ahlul Bait da shahada wanda a karshen jawabin nata ta karkare da karanto bangaren karshe na aya ta 18 a cikin suratul Hud kamar haka:

SAYYIDA ZAINAB: Ku saurara! La’anar Allah ta tabbata a kan azzalumai!

SHAWARAR YAZIDU DA MUTANEN SHAM

MAI RUWAYA: Bayan zazzafar hudubar da sayyida Zainab (as) ta gabatar wacce ta yi wani irin tasiri a wannan fada ta Yazidu. To sai Yazidu ya juyo ya gurin mutanen Sham wadanda suke zaune a cikin fadar sannan ya ce:

YAZIDU: Mai za ku ce game da wadannan fursunonin? Shin kuna ganin in kashe su ne?

MAI RUWAYA: Sai Nu’uman ibn Bashir ya ce:

NU’UMAN IBN BASHIR: Ka yi nazari ka gani, yanzu da a ce Manzon Allah yana gurin nan mai zai yi, to kai ma ka yi kamar hakan!

MAI RUWAYA: Kowa ya ba da shawarasa da ra’ayinsa kan yaya ya kamata a yi da su. wasu kuma sai kuka suke yi suna fadin:

MURYOYIN MUTANE: In ba mutane marasa tsarki ba, babu wanda zai kashe ‘ya’yan Manzon Allah (s.a.w.a)!

MAI RUWAYA: Yazidu sai ya lura idan aka ci gaba da wannan zaman to ba zai masa kyau ba, nan da nan sai ya ba da umarni a tafi da wadannan fursunonin yakin wani gida da yake kusa da fadarsa kafin yayi tunanin mai ya kamata ya yi masu.

***

 

 

HUDUBAR IMAM SAJJAD (AS) A SHAM

MAI RUWAYA: Limamin Juma’a ya yi huduba a nan cikin fadara Yazidu, kuma a cikin hudubar tasa duk abin da ya zo bakinsa na aibatawa dangane da Ahlul Bait da ayarin kamammun fursunonin Karbala ya fade shi, kuma ya yi ta kokari wajen yabo da kambama Yazidu iyakar iyawarsa!

Amma Imam Sajjad (as) sai ya cewa Yazidu:

IMAM SAJJAD: Ko za ka ba da dama ni ma na yi magana, maganar da a cikin akwai yardar Allah!

MAI RUWAYA: Da farko Yazidu yaki ya ba da wannan damar. Amma dansa sai ya matsa masa a kan sai ya bayar da wannan damar ga Imam.

IMAM SAJJAD: Ya ku jama’a ku sani! Allah Ta’ala ya ba mu wadansu halaye guda shida (mu Ahlul Bait (as)), ya kuma daukaka mu da wasu kebantattun abubuwa guda bakwai, ya ba mu: Ilimi, juriya, yafiya, fasaha, gwarzontaka da kuma soyayya a zukatan muminai; sannan kuma sai ya kebance mu da wata daukaka cewa mu ne muke da: Mazon Musulunci, Siddik (mai gaskiya abin gaskatawa), Ja’afar Dayyar, Zakin Allah kuma Zakin Manzon Allah (s.a.w.a) wato (sayyiduna Hamza) da kuma jikokin Manzo Hasan da Husain (as).

Wanda ya sanni to hakika ya sanni, wanda kuma bai sanni ba to zan ba shi labarin asalina da tsatsona.

Ya ku mutane ku sani! Ni dan Makka da Mina ne, ni dan Zam-zam da Safa ne, ni dan wanda ya sa hannunsa mai albarka ne ya dauki Hajarul Aswad ya dora shi a mazauninisa, ni dan wanda yake shi ne mafi daukakar mahajjata da masu yin Talbiyya ne, ni dan wanda ya hau Buraka ne, ni dan wannan Manzon nan ne wanda a dare guda ya yi isra’i daga masallacin Harami zuwa masallacin Aksa (Quds) ne, ni dan wannan ne wanda mala’ikun sama suka yi sahu a bayansa ya ja su sallah, ni dan Manzon nan ne wanda Allah mai girma da daukaka ya aiko masa da wahayi, ni dan Muhammad Mustafa ne.

Ni dan Ali Al-Murtadha ne, dan wanda yake bai wa Haramin musulmi kariya ne…..

Kuma shi ne wannan wanda ya kasance mai gwarzontaka, mai yawan yafiya da kauda kai, mai yawan fara’a, mai yawan alheri, madaukaki, mai kawo dauki a yayin da aka shiga matsaloli, mai yawan hakuri, mai yawan azumi, tsarkakakke daga dukkan aibobi kuma mai yawan sallah.

Ni dan Fatima Al-Zahra’u ne, ni dan shugabar matan talikai ne….. Haka ya ci gaba da jawabi cikin izza da daukaka, har mutanen wurin gabaki daya suka rude da koke-koke!

***

 

Watan Muharram wata ne mai alfarma, wata ne da yake daya daga cikin watannin da ake kiran su da Ashhurul Hurum, wato Watanni Madaukaka; wadanda aka haramta yin yaki a cikinsu. Wata ne na farko a kidayar watannin Kamariyya guda goama sha biyu a Musulunci.                                         

More

Shigowar Sabuwar Shekarar Musulunci: Kamar yadda muka sani a duk ranar daya ga watan Muharram, rana ce da ake lissafinta a matsayin ranar shigowar sabuwar shekarar Musulunci a wajen dukkan Musulmi wato shekarar Hijiriyya Kamariyya, kuma daga nan ne ake fara lissafin wata-wata na watannin Musulunci kama tun daga shi watan na Muharram da Safar da Rabi’ul Awwal haka dai haka dai har zuwa watan goma sha biyu wato watan Zulhijja. To ita wannan rana, rana ce mai girma da kuma rana ce da a tarihi ya zo cewa….

More

Ranar Da Manzon Allah (S) Ya Fito Yin Mubahala Da Kiristocin Najaran Tana Nufin:

 

Duk duniya Manzon Allah (saww) ba shi da tamkar waɗanda ya fito da su wato Imam Ali (a.s) da Sayyida Faɗima Azzahara (a.s) da ƴaƴanta Imam Hasan da Imam Husain (a.s) domin da yana da waɗanda suka fi su ko tamkarsu to da ya fito da su a wannan rana. More

ALLAH NE YA UMARCI ANNABI MUHAMMAD (S) YA NAƊA ƘANINSA IMAM ALI (AS) A MATSAYIN HALIFA NA FARKO A BAYANSA; DA NASSIN AYAR ISAR DA SAKO (AYAR TABLIGI):

Allah (swt) yana cewa:

“Ya kai Annabi (saw)! isar da abinda Allah ya aiko maka; idan ba ka isar ba tamkar ba ka isar da sako ba; tabbas! Allah zai kiyayeka daga mutane” (Q : 5 : 67):

يا ﺃﻳﻬﺎ ﺍﻟﺮﺳﻮﻝ ﺑﻠﻎ ﻣﺎ ﺃﻧﺰﻝ ﻣﻦ ﺭﺑﻚ ﻭﺇﻥ ﻟﻢ ﺗﻔﻌﻞ ﻓﻤﺎ ﺑﻠﻐﺖ‏ رسالته

(Al-Ma’ida : 67).

Manyan malaman Ahlus-Sunnah a fagen Tafsiri da Hadisi da Asbabun-Nuzul… Sun tabbatar da cewa wannan ayar ta sauka ne daf da al’amarin Ghadir, kuma bayan Mala’ika Jibril (as) ya sauko da wannan ayar ne Annabi (saw) ya tara Sahabbansa a Ghadir Khum ya shelanta masu cewa Imam Ali (a.s) ne halifa a bayansa:

Fakhrud-Deen Ar-Razi (Babban malamin Ahlus-sunnah) ya tabbatar da cewa; Ayar isar da sako (Ayatut-Tablig) ta sauka ne daf da al’amarin Ghadir, kuma bayan Mala’ika Jibril (as) ya sauko da wannan ayar ne Annabi(saw) ya tara Sahabbansa a Ghadir Khum ya shelanta cewa Imam Ali(as) ne maula (Shugaba / halifa) a bayansa:

More

HAIHUWAR IMAM ALIYU AL-HADI (AS)

TAKAITACCEN TARIHIN IMAM ALI AL-HADI(AS):

Nasabarsa ta bangaren mahaifinsa: Imam Ali Al-Hadi (as) ɗan Imam Muhammad Al-Jawad (as), ɗan Imam Ali Ar-Rida (as) ɗan Imam Musa Al-Kazim (as), ɗan Imam Ja’afar As-Sadiq (as) ɗan Imam Muhammad Al’baƙir (as) ɗan Ali Zainul-Abidin (as) ɗan Imam Husain Sayyidus-Shuhada (as) ƙanin Imam Hasan Al-Mujtaba (as) ‘ya’ya Ali bin Abi Talib (as) da Fatimah Az-Zahra (as); ‘yar Annabi Muhammad (S).

 

Mahaifiyarsa:

More

Sallar Idin Layya = Babbar Sallah

KA’ABA

*Takaitaccen Tarihin*

*Sayyid Sharif:*

*Shibuli Sharif Ibrahim*

More

Shahadar Muslim ibn Akil

Innalillahi wa inna ilaihi raji’un

A ranar Arfa, Yazidu Ɗan Mu’awuya Jikan Abu Sufiyan da Hindu (Magatsiyar Hantar Syed Hamza) ya sa Hajjaj ya kashe Muslim Ɗan Akeelu, wanda Imam Hussaini(as) ya aike shi garin Ƙufa domin isar da saƙon taimaka masa wurin yaƙar zalunci.

More